Archive for أبريل, 2009
عصافير الرضى , ترفرف !
أكره الفلفل الأخضر .. وأكره ريحته
أكره القهوة العربي .. وأكره ريحتها ..
أكره الكاتشب , واتنرفز اشوف احد ياكله
أكره الملوخيّه !
أكره قمصان النوم القطن !
أكره الحرمة الي تكون مخلصة في المشغل وتجلس تتفرج على شكلي وشعري يكون كشّه !
أكره ريحة شامبو بانتين
أكره أفلام الرعب
أكره اسكريم ” بابو ” ! :/
أكره بسكوت ديمة بالتمر
أكره الروج البنّي
أكره كعب ” الشوكة “
أكره برنامج الوافي !
أكره البحرين
أكره الرجل الي يلبس قميص في السوق :/
أكره قناة سبيس تون
أكره ستار أكاديمي إلا الجزء الأول منّه
أكره الشاهي
أكره الزنجبيل
أكره الجزر المسلوق
أكره بنات الإينو
أكره بيتنا
أكره اربعة من خوالي و ثنتين من خالاتي
أكره العُطل !
لأ ما أكرهها , بس صارت العطلة مرتبطه عند الناس الي عندي ب ” ثادق” *
وانا أكره ثادق , أكثر من الأشياء الي فوق كلها ..
عندي استعداد تام اشرب قهوة واكل فلفل والبس قميص قطن بس ما أروح ثادق !
عندي استعداد تام أجلس مع ناس اكرههم واجاملهم ليل نهار بس ما اروح ثادق !
عندي إستعداد انّي اتفرج على سبيس تون وستار اكاديمي ليل نهار بس ما اروح ثادق !
أكره ثادق بشكل انا نفسي مستغربة منّه , يعني لا أنا الي على قولهم ” مقطوع سرّي بباريس ” :$
لكن كثير مواقف , حكاوي , ناس , طبايع , تكرهك بالمكان ..
ممكن , ومش اكيد ولا أجزم .. ممكن ثادق تكون افضل ماخلق ربّي [ الله لايقوله يعني ] لكن بعيني ماتسوى ريال !
* وش تكرهون ؟ :]
* بأكتب عنها مُستقبلاً
7 comments 23 أبريل 2009
( W )
ترتبط بشخص .. تعيش معه تماماً
تعرف تفاصيل حياته , وممكن تكون تحبّه , ما أقصد الحب كمعنى
ممكن تكون تستلطفه , ترتاح له , تنبسط معه .. أيّاً كان .. أنت تحبّه !
لمّا تسوّي له خدمه ويرد عليك ب : شُكراً تفرح , تحس قصباتك الهوائية متوسّعة كثير , ومستعدّه لأكبر كميّه أوكسجين
بس لأنه ردّ عليك شُكراً ..
لمّا يقول [ واحشني ] ممكن من الفرحة تبكي ..
وفجأة يروح كل شخص بطريقه , يعيش حياته بالطريقة الي تناسبه .. أو حتّى الطريقة الي يفضلها !
وتكون أنت شخص [ لزقة ] تروح تتقصّى أخباره , تبحث عنّه
تحاول تشاركه من بعيد لبعيد , تظهر تعاطف بسيط لأجله ,وتفرح عشانه
وفي الأخير
يجيك ردّ يقول : ” when the strength to stop coming to me “
تحسّك قد النملة , وتحسّ ان خاصيّه الالتصاق عنّدك تفوق ” الباتكس ” !
بسّ يُعتبر درس حلو , يعلّمك حدودك مع الآخرين لوين , عشان ما تحسّ بالسخَافة الفضيعة : ]
6 comments 21 أبريل 2009
